aZai 5:13
bZai 1:14
cZai 4:16
dEs 1:11
eMs 1:52
fZai 7:8
gZai 8:3
hZai 5:8
iZai 3:5; 8:4
j17
k17; Zai 8:14
lIsa 28:4; Jer 24:2
mZai 7:12
nPc 8:8; Zai 1:15
oZai 1:5
pThk 15:4
qZai 1:6
rZai 7:12
sZai 4:6
t8
u9
vZai 1:14

Song of Solomon 2

 

Ngaihno

1Sharon ling pal duang ka zila,
phaikuam unok pallai ka zil hi e. a

 

Sannem

2 Lingse kawma unok pal zil,
lia zatam kal-a ka zunngek aw e.

 

Ngaihno

3 Tanggual lakah ka sannemno
taampi tulsing zing kawma
apple tulsing dungzil e. b
Tutbang khawlin alim sawlbang
bel nuam si’ng e,
gah thei bang ka ciap khum zungzung e. c
 4 Nunnop zilna saulim nuai-ah kei hong pi ve’n, d
mu bang ngaihno khaidial tung ciangah a laam hi e. e
 5 Zawlgau vei sawlbang vul hi’ng e,
lenggah keu tawh ka zaitha zaamsak inla, f
apple gah thei tawh ka duangtham zenkimsak aw.
 6 Veilam banzal tangkhamin sambang zal ing,
ziatlam banzal tawh mawngbang hong kawi hi e. g
 7 Jerusalem lianute aw,
zangkuam khisa le zuksial ngenin
tong hong lel ing. h
Anbang itna a nian masiah:
phawngin thelbang thosak kha na cia. i
 8 Na ngaidih ve! Ka sannem aw!
Khaubang hong ciah galsialbang
va don ve aw.
Muallian zui hong zuang vadiang e,
mualneu kanin pheiphung khai valian e. j
 9 Ka sannem in khisano le zuksa talno dungzil hi e. k
Maimit suan vaw! Kawmpalhemah
hong ding ven,
tawhlet pan gal in don ve’n,
vathangheng pan maimit hong suan hi e.
 10 Ka sannem in ka siangah tong hong lel ven,
“Ka zunngek duang kikhai ningniang aw
zuangtho inla
sangsul bang hong zui ve aw.
 11 En dih vaw lawm! Phalbi daidam meii bang theng e,
tulguah luang zong lenmual hem lam kai ta e.
 12 Pakte hong palh san singseng e,
simlei tualah, zaila’n naubang awi hi e;
gamleng khuva’n zaila-in hong khim hi e.
 13 Khangthei in gah masa suang ve’n, l
lenggah gimsi nam viauviau
hong laang ta e. m
Zuang tho-in sulbang hong zui ve aw,
ka zunngek ka duangzenno aw” ci e.

 

Sannem

14 Lumsuang thepa ka khuvano, n
mual hema bu khinkianno aw e,
na laangmai nel hong hil ve aw,
na tongnem hong luan ve aw;
na tongdam lah ningbang khum sa’ng,
na laangmai lah ngaihbang hiuhiau hi e. o
 15 Gam ngiate hong matsak aw, p
gam lenggah teng ngianote’n
zubang siasak zota aw, q
i lenggah teng a pallun laitak hi e. r

 

Ngaihno

16 Ka sannemno kei aa hi e,
kei zong ama lianem ka hi e;
unok pallun a lai ah e,
tuu tawh sawlbang heikhawm e.
 17 Muikhua zinlai taikhua val ma’n s
mualphok lum suang palnena t
khisano le zuksano bang, u
ka sannem aw
ka siang sulbang heinawn aw. v
Copyright information for ZomZIV